奶油+豬(仔包)=奶油豬一隻，Let抹茶be奶油，抹茶+豬=抹茶脆豬，夠少見喇呱？
PND食完晚飯，飽飽地膩膩地，好想食返啲又甜又脆嘅野，如果而家食返個又熱又甜嘅抹茶甜品，都唔係好過份啫！
呢間小店好近果間已執笠嘅甜心鮮果園(😭)，堂食有3-4個位，主要都係做飲品、奶油豬、蜜糖豬、珍珠奶茶等，見到脆豬都有幾款口味，而且即叫即整，豬仔包出爐好夠熱！
呢個《抹茶脆豬》$16，豬仔包烘到好脆好熱，包面有少少麵粉保持包身乾爽，同普通麵包有好大分別，口感更煙韌！由於係台灣風味，與其話係抹茶，話佢似綠茶應該比較貼切，同觀塘Coffee Art嘅綠茶多士有啲似，唔同嘅係，呢度嘅豬仔包真係搽咗甜甜嘅綠茶醬，多到起沙，食到包中間有索索聲。呢度唔係京都口味，唔係玩人人推祟嘅回甘香醇嘅感覺，只係平民小食，但就係幾有風味，只係睇潮友啱唔啱口味～
茶.包
星期一、二、四至日 12:00-20:00
（星期三休息）
#PND元朗 #PND小食 #PND外賣 #PND台灣菜
@元朗屏會街9號同發大廈P3地舖
Search